خلك سما واترك القاع
واحجز مكانك في العلالي
وان كان تبغي تصنع شراع
بد البعد عن كل خالي
ما كل عالي هان بطلاع
ويا كم حلمٍ صار بالي
شد العزم ان كنت سمّاع
وانفض خمولك في عجالي
الوقت يمضي كنه اشعاع
كالسيف يقطع دون والي
عن هي تغرك طيب الاوضاع
ما كل وقت ابطيب حالي
خلك فطين للعز تباع
كنك بغيت تطير عالي
خذ هالسما واترك القاع
واحجز مكانك في العلالي
سالم عبيد الكعبي
أشتاق لك وأشتاق شوفك
واكذب عليك إن قلت سالي
كل ما طرى فالبال لوفك
أدعي إلهى يثيب حالي
بعدك الم والسب خوفك
وانا ابتليت بحب غالي
بيني وبين الموت روفك
بعدك ي بعد الروح طالي
اكذب اذا بينت عوفك
واكذب اذا هالقلب خالي
اشتاق لك واشتاق شوفك
وكذب عليك ان قلت سالي
سالم عبيد الكعبي
ابي اسال عن احوالك
وكلي فيك متردد
اخاف بلحظه تردني
وتكسر كل مافيني
ابي اسال عن احوالك
عساك بخير يا كلي
عساك بحال يهنالك
مع الخلان متسلي
ابي اسال عن احوالك
وابي اسمع من اخبارك
واعرف بكل ما عندك
وتعرف كل ما عندي
ابي اسال عن احوالك
عساك بخير تذكرني
انا مشتاق لإنسانك
اخايل روحك تضمني
سالم عبيد الكعبي
مره صباحاتي بدونك
وبدونك مُره الحياه
هذي قهوتي تبغي
دون الحلا تبغي منك حلاه
مُره صباحاتي بدونك
حتى الفجر دونك غابت سماه
مره صباحاتي بدونك
حتى الكتابه آآه تتبعها آآه
يا ملهمي في الروح
يا تاركي بكونك
تهت بفضا وجدك
بين الشمس والياه
كيف الهنا دونك
وانت الهنا والجاه؟
يا آسري يا خاطري
هل الكل يعنونك؟
وأنا من الكل يا آسري حياة
كل البشر في ناظري لونك
اصل البشر في ناظري تاه
مره صباحاتي بدونك
ما للحياة دونك حياه
سالم عبيد الكعبي
علام الزين متغير علينا..
ولا كننا على باله طرينا..
علام الحال يا خلي تبدل..
بعد هالود يا ودي جفينا..
تركت القلب في ناره تلضى..
واذا بالقلب ياعمري حزينا..
حرام يلي نشوفه من جفاكم..
رضينا به غصب عنا رضينا..
على المقسوم نرضا بطيب خاطر..
و شوك الورد ما منه شكينا..
دعيت الله في سري وجهري..
يعوض ما مضى مني سنينا..
عساها تنجلي غيوم حزن ن..
و تشرق في السما شمسك علينا..
وشوف الشوق من وجدك وحسه..
وتبقى في نفس روحي ضنينا..
سالم عبيد الكعبي
بي كلامٍ ما توفيه السطور
والمشاعر في حروفه جارفه
اترك العبره على عيني تدور
دام عيني سد دموعي تذرفه
الوقت عدى وانا حالي يثور
والعمر يمضي على ما نعرفه
لي ب دارٍ طيبها بقلبي حضور
والكدر لو كان فيني تصرفه
جمّعت كل السعاده بكل دور
والغرف عن سرها ما تكشفه
والنوايا بحضرة الساكن سرور
وان زعل من زارها بد تنصفه
لا علاها شين ولا من منها نفور
وان تمادى الشين فيها تعسفه
روحها روح التآلف من دهور
صانها من صان نفسه م السفه
ليت به الوقت يوقف ما يدور
وامسك زمام الثواني واخلفه
لين هذي الدار في صكي تدور
والحزن من جوف قلبي انسفه
بي كلامٍ ما توفيه السطور
والمشاعر في حروفه جارفه
بي كلامٍ ما توفيه السطور
والمشاعر في حروفه جارفه
سالم عبيد الكعبي
تبغي الصراحه اشتقت لك
كل ما نويت ابعد اجيك
كل الحقيقه احتاج لك
يامن عقدت الروح فيك
لو صار جيت اتجاهلك
وأفكار عقلي ما تبيك
غصبٍ علي اتخيلك
دامك لقلبي لي شريك
اشتقت لك اشتقت لك
كلي شغوفٍ بك وبيك
سالم عبيد الكعبي
يا غناتي قلي ش الداعي
من غرامٍ دوم جافنه
في ودادٍ ما به تراعي
والهوا له فرضٍ وسنه
روف بلي حاله إلتاعي
من سبايب بعدكم عنه
بالغلا والشوق لك ساعي
زايدٍ لك ….. لا مخفنه
تايقٍ في روفك طماعي
والامل معقود في ضنه
ان طرالك شين لسماعي
لا يغرك حاسدٍ فنه
كم عاشق مالحسد ضاعي
وانتهى من حزنه وحنه
خل عطرك دوم فواعي
يا رحيق الورد وسمنه
..تمت..
لا تشتكي للغير ما فيك
خذها نصيحه لو بتهتم
ما كل من جاملك يفديك
وما كل من زعلك لك سم
بعض البشر من دون تشكيك
لي اقبلت لك دوم تبسم
بعض البشر مع زود تشييك
تاتي عليك بالضيج والغم
ان كنت ناوي بوح ما فيك
قابل صلاتك والداعاء الزم
الله ربك لي يداريك
خصص دعاك بليل معتم
هل الدمع لو بيشجيك
وطلق عنان البوح واسلم
نفسك لنفسك هي تداويك
والرب قادر فيك واعلم
..تمت..
أبيات مبعثره 