خذي الحكي من ناضر عيوني
وقري معاني الحب واسراره
وان لج بدى عشقي في لوني
صدى عيوني واتركي شاره
خايف عليج الناس يشوفوني
واكثر ضنون الناس غداره
راح الذي في حالي يدروني
اهل الوفى والحب واخياره
واهل النقا من عرفة ضنوني
لي من عشق له تستعر ناره
لا تنظري للحاسد الدوني
ياهي كثر متغيره ادواره
كل الحذر يا مهجة شجوني
تسري سوالف حبنا خساره
خلج معي في واحتي كوني
واخذي قطوف الحب بكباره
بس بالنظر والبسمه تموني
تبري كسير القلب بجباره
هذا القصد من ناضر عيوني
تقري معاني الحب واسراره
الناس في كون وانا معك في كون
اسمع كلامك واعذب القول شكواك
ليت الذي حولي عن النور يدرون
كيفن يداعب وجنتك مع خلاياك
كلك على بعضك من الطيب مكنون
واسرار حسنك طاغيه في مزاياك
يا هيه يلي مكتسب مالحسن لون
قلي علامك تبلي الناس بلواك
خفة غذب دمك ضحكة طفل ملسون
كلك على بعضك ندره من حكاياك
الناس في كون وانا معك في كون
اسمع كلامك واعذب القول شكواك
ليت الذي حولي عن النور يدرون
كيفن يداعب وجنتك مع خلاياك
يا من عليك الدمع نضاح
دامي جروحي منك تصيح
روح فمان الله وارتاح
يعلك مديم الحال ومريح
لا تلتفت للعاشق ان طاح
كم مالعشق له عاشق يطيح
مسموح هجرك وان بدى ولاح
وان كان سمه في الحشا يبيح
للناس بعطي ضحك ومزاح
وبداخلي نبضاتي اتسيح
من حر مابي صرت سباح
في لج بحر الضيم سبيح
هذا وكلي فصدري رماح
ياكم لجلك قمت واطيح
يا من عليك الدمع نضاح
دامي جروحي منك تصيح
روح فمان الله وارتاح
يعلك مديم الحال ومريح
ان بعدت بعيد كلي ما نساك
ما يموت الحب لو اني اريد
كيف يالمضنون بتحمل جفاك
وانته لي الروح والحظ السعيد
زانت الايام في ساعة لجاك
كنها الاعياد تاتي لي و تزيد
ادعي الله دوم واترجى رضاك
حالي المحروم في وضعه شديد
بين الاسباب واكشف مبتغاك
واضرب الاجراح اب يد من حديد
ان بعدت بعيد كلي ما نساك
ما يموت الحب لو اني اريد
على بحر الشعر سارح وبي الافكار حيرانه
عساني انتهي بيتٍ يفوق الوصف عنوانه
ابي ارسم كمال الزين و صور كامل شعوري
بريشة فكري المحدود وشعري وصدق ميزانه
طلبت الله ينجدني ومن لي غيره ينجدني ؟
مدام الكون بيدينه وقلبي فايض ايمانه
الهى ترحم قليبي عشق له مالبشر ريمٍ
عليه الزين متكمل تفرد بين خلانه
اشوفه وليت ما شوفه تخبط حالي بحالي
جيوشه شلت افكاري ومعها القلب واركانه
ثِقل قولي وثقل حسي وثِقل ما فيني من سمةٍ
سبب ثغره شبيه التوت تهاوى ثقلي بوزانه
زهى صبحي بسنا نوره وكن الشمس له بالطوع
واذا حل السكون اب ليل تسلل فيني انسانه
الا يا كم محيرني بطبعه وحلوة اوصافه
طلاسم سحره الساحر توغل فيني باشجانه
الا يا من قضى صبره بسب الحب واهواله
ابي منك تعلمني سبيل الصبر وبيبانه
عساني اهتدي بيتٍ يفوق الوصف والقصه
عساني اهتدي بيتٍ يفوق الوصف عنوانه
✒سالم عبيد الكعبي
ودي معك في بحر هادي
نبحر بعيد إل الف ديره
كل مالحزن بالقلب بادي
نبحر لديره وغير ديره
مركب هوانا وكل زادي
حب ووله مع طيب سيره
يامن هواك القلب رادي
قلبك معي مابيه غيره
بيني وبينك خلها حدود
والزم مكانك والمسافات
دام اللقاء بك صار محدود
خل التواصل شوف نظرات
ابغيك سالم مالعنا كود
وابغيك باقي للمسرات
هذا بوخالد عالي الطود
شل الحموله دون زفرات
طمن وبشر وارسل ردود
قدم وبادر بالعضيلات
وعطى جميله دون مردود
صافي النوايا دوم بالذات
يامن عليك الخير محسود
ربك عطف بك بالامارات
خلك مكانك وارسم حدود
ارفع ايدينك بالدعاء وبات
✒سالم عبيد الكعبي
الا يا ضايج ن صدرك تحمل
مصير الوقت يمضي في زوالي
ويعود الحال في ما كان واجمل
واذا هالحال للانسان طالي
الا يا كم من الآثام نحمل
علينا م الثقل شروا الجبالي
ورب ن في العلى ما كان يهمل
اذا بالعبد خاشع بالسؤالي
تحمل والتجي لله تكمل
شروط الامن يتبعها اتكالي
مصير الوقت يمضي وان تمهل
واذا بالخير ياتي في عجالي
✒سالم عبيد الكعبي
للعيون الحور سحر(ن) به اضيع
ولعيونك سحر طاغي في غواه
طلسمك مدفون في حصن(ن) منيع
في نواة القلب محفوظ بعناه
حاطك الرحمن بالحسن البديع
فردك بالزين واكرم في عطاه
يا شبيه الريم قلي من تطيع
بقضى الايام اسعى في رضاه
دامك المنشود وانا بك صريع
ما تروف بحال من سحرك بلاه
عايش الايام في حسنك وليع
راضين بالحال وحالي به رضاه
ماخذني الحب عالخط السريع
مندفع بشعور ما قلب احتواه
وان نويت الصد علل لي وذيع
وش تباني قول قلبي وش تباه
دام سحرك بي مفعوله مريع
هذا بي ماحل، ابطل محتواه
الشاعر/سالم عبيد الكعبي
ذابحني من سنا خدك
ود ودي يلمسه لسناني
ليت حولي صوبي وشدك
وامسكه وعضه باسناني
يالحلو من قلت شو بدك
بدني من حلوك الباني
هايم ن في نحرك وقدك
وانا حر الحب يصلاني
خاف ربك يالغلا حدك
ثار طاغي الشوق بركاني
ثايرن بالود ما هدك
حالف ن لك غلظ بيماني
وان بغيت الروح ما ردك
لك مهر هالروح واعياني
بس دخيل الله في صدك
لاتزيد الحال خسراني
دامني لك عايش مودك
حطني فالبال حسباني
سالم عبيد الكعبي
أبيات مبعثره 