يا من علاك الزين واكساك
واضفى دلالك در و ياقوت
عالي مكانك ربي اعطاك
ماخذ حلاتك منه التوت
تزعل زعل وتوق لرضاك
يلي بغلاك آذوب وآموت
عايش على رمضاك واهواك
لوني معك في وسط تابوت
الوعدلك من قلب يفداك
نبض وعشق وافراح بيروت
حلو المشاعر دوم تضفاك
دامك لشعري ساكن بيوت
يامن سرى بالروح ما طاك
كلك ملكني صوت وسكوت
صاغي سماعي ناعم اشكاك
ذابح غرامي ناعم الصوت
كلك زعل واتوق لرضاك
يلي بزعلك اذوب واموت
✒سالم عبيد الكعبي
في صورتك هيبه في سيرتك شان
ورثتها شعبك واذا الشعب زيزوم
فينا مضى اسمك يسري بكل شريان
مجرى الدما يمشي لآخر نفس ويدوم
طيفك لفاني والملا رقود
ساعة سكون بليل هادي
شرفتني يا ناعم العود
حلو اللقاء عالقلب سادي
ارجعت لي ما كان مفقود
عذب الشعر فالروح بادي
استرسلت الابيات في زود
واشعار حبك في حصادي
يامن عليك القلب مسنود
طيفك ذبحني في تمادي
كلك غوى وعيونك السود
تاسر حواسي كيف غادي
يفداه حسنك ملك نمرود
واملاك كسرى والعبادي
ليت البخت له شي مردود
يرد لي غاية مرادي
صدق اللقاء يا ليته يعود
ويتم لي بهجة فوادي
تمت
يابو ثنايا مثل در الحصابي
ومعنق المنحر شرا نزغة الحيب
والخد تفاحن ف العضود رابي
والريق في ذوقه تحدى عسل نيب
ضيعت في وده مراحل شبابي
يالين تهت وعارضي عمه الشيب
ليته يلاحظني و يفهم مصابي
كان العمر بيعود شرغات في طيب
بفتح له ف قلبي ثلاثين بابي
من وين مايبغي تفضل بلا ريب
هو راحتي قوتي ولذة شرابي
هو منيتي يا بعد كل الغراشيب
اسمه رسمته في سطور الكتابي
و طيفه عن الخفاق ماطايع يغيب
يا لشعراء ردوا عليّه الجوابي
ودي تجاروني بخط المكاتيب
وش حيلة اللي عاش وقته عذابي
وما يعلم بحاله سوى عالم الغيب
راشد ابو سعود الكعبي
يا مرحبا يا حي در الخطابي
يا مرحبا مليون في عدهن طيب
يبت العضايل في سطور وكتابي
صفيتهن صف المعذب بترتيب
يعينك الله يا عريب الجنابي
هذي المصيبه تورد الشاب للشيب
شاعرك مثلك يا مريد الجوابي
عايش حروب العشق عنده تجاريب
خذها نصيحه من جروحي ومصابي
اقفل فوادك وكل الحال للغيب
واحسب حسابك يوم حز الحسابي
في يوم جمعه ما تفيد المحاسيب
سالم عبيد الكعبي
يامن تدور في الخبر ساسه
تدخل امور إتزاحم الساسه
هذه نصيحه لك اعطيها
هات القلم وثق ع كراسه
قالو زمان إجدودنا لول
كل العمل له خبره و ناسه
الا زمنا وقوتنا الحاضر
كلن تسيس حسب مقياسه
قاس الامور بنظره وخمن
ياب النتايج كلها محتاسه
يا ذا البشر كلن يداري دوره
كلن يقابل صنعته ومراسه
لو هو فهيم وعارف ومتعلم
للوضع ما نستوي مكاسه
نخلط الاوضاع من واطيها
ناتي الأفكار دون دراسه
اتركوها للي هو راعيها
ذالكرم في نخوته او باسه
والعطا في مدته وشبوره
والصعيب ما حيّده او حاسه
دايمٍ شوره صخي ومقدم
تعترف له البشر مع ناسا*
ما شكى من صعبةٍ او عله
له مزايا حنكةٍ باحساسه
إل بوخالد كلنا تحت امره
إل بوراشد نفتديها انفاسه
فاهمين اوضاعنا وما فينا
يعلمون العوق وين اغراسه
والوزير يلي صحيحٍ شوره
ان قدح صاب الامر من راسه
هو بوزايد يا غلاة حضوره
دبلوماسي في المحافل ماسه
والخارجيه يا هوى طاريها
والنعم في جيشها وناسه
هي نصيحه للملا كد تمت
والفطين يراجع ابكراسه
تمت
سالم عبيد الكعبي
أبغيك يابومحمد خْوِي
خذ لك إجازه وين تعمل
دار الكرز خلنا بننهَي
أشوف عمري ماتحمّل
بنخوز عن لاهوبن وعَي
وهناك بنغنّي وبنشل
الخضره والأمطار وبْنِي
ويهبّنا النسناس لمطل
عشرين يوم أظن تكفي
عقب المعاش بيوم بنفل
وإن ما كفن بنزيّد شوَي
لين الشهر لي عقبه إيهِل
شوف الامور ورايك الحي
أبغيه ياسالم تعجّل ..
حمد الصايغ
*.يا مرحبا يا زين يا حي
* عذب التحايا لك تاصل
*خطيت لك من خافقي شي
*ردٍ جميل بطيب ينهل
*الشور شورك دامني حي
*والامر امرك فيه بمثل
*بطلب اجازه او بنهي
*للي معاه الصعب ينحل
*تيجان كتفه كنها الضي
*ونجوم عنده دوم تصقل
*بقول عندي مالامر شي
*طاري ولازم صوبه أنزل
*شهرين كافي وزيدني شوي
*هذا رصيدي لو تحمل
*دار الكرز ملزومٍ انهي
*عندي عضيد من مثله يقل
*بنشوم شومه كلها غي
*فل وطرابه ودوم بنشل
*ولا حضينا بزهرة الحي
*وازهار نرجس وردٍ وفل
*واشياء اخرى سيدي شي
*دام الحراره فوق تاصل
*طب الدوام وعندي انهي
*خل الاماره تحت وارسل
*لي بوسعيد في خوته شي
*عجبٍ عجابٍ صدق ما خل
سالم عبيد الكعبي
يقول بوسعيد ….
ودّي ب يلسه تحت الأشجار
بعيد عن جوّ ن لهوبي
لا حَر لا ليعات وغبار
ومداعبة خلّن عذوبي
ياربعنا الفواد فرّار
والعين ترغب في العزوبي
أحب وأعشق شوف الأخظار
وأحب لحظات الغروبي
واللي تعوّد جوّ الأسفار
فرحان وكل عمره طروبي
لا هم لا حزنن وأفكار
سعيد والخاطر رحوبي
حمد الصايغ الكعبي
***
مالوم شعرك سيد الاخيار
ذا الجو يبغي له هروبي
الوضع لابج والفكر طار
والنفس ابداها تتوبي
بهج وارسل لك بتذكار
من دار ن اجواها سحوبي
والسيل همال ن ومدرار
سقاي وديان و شعوبي
والزين حولك لو بتختار
بوشامة ن حلو ن لعوبي
هذا الفكر وان كان ما صار
خلك على منته طروبي
سالم عبيد الكعبي
*****
بوغنيم شو رايك بمسيار
صوب الغظي غضّ الينوبي
بو شامتن ع الخد ليسار
في ديار تنفح بالطيوبي
فيها العشب غذّته الأمطار
نسيمها يشفي الكؤوبي
بوسعيد
*****
الشور شورك لو بتختار
عجل قبل حز الغروبي
بنسير صوبه وآنا طيار
عالميج قطاع السحوبي
بومحمد
******
عقب المهمه بغدف أبحار
يابومحمد مع قروبي
وإن كان تبغي تشمّ الأزهار
لندن مع الزين اللعوبي
لي شوفته عن السبيتار
تغني وعن كل الطبوبي
بوسعيد
*******
البحر بحرك لو البحر دار
كل المعاضل لك تروبي
لو بومحمد قام واختار
غيرك رفيق ن ما ينوبي
بومحمد
*******
لله دره عالي الشان
فخرٍ كسيبه بحق وعزوم
ما يختلف به كان من كان
راعي المفاخر سيد القوم
حايز شموخ العز نيشان
لجله طريق المجد مرسوم
هذا بوراشد فخر الانسان
صافي السلاله آل مكتوم
ياما بصيته فالملا بان
حتى الصغير يميزه دوم
وان كان يبغي..شي برهان
صدر الصحايف منه مزحوم
سالم عبيد الكعبي…
شكرا لزيارتك…
هناك في الأفق تلوح بعض جوارحي …. وهنا أنتظر من يأتيني بها…
أنا…….
أبيات مبعثره 